Senatori republikan paralajmëron Trump: Nëse i heq sanksionet Rusisë, do të bëjmë ligj të posaçëm!
Senatori republikan, John McCain, duke komentuar spekulimet se presidenti amerikan, Donald Trump, po shqyrton heqjen e sanksioneve Rusisë, ka thënë sot se shpreson se administrata e presidentit amerikan do ta hedhë poshtë ketë “kurs të pamatur”.

“Në rast se e bën atë, unë bashkë me kolegët e mi do të punojmë në atë drejtim që sanksionet kundër Rusisë t’i kthejmë në ligj”, ka thënë McCain.

Një këshilltare e lartë e presidentit të Shteteve të Bashkuara, Donald Trump, tha se heqja e sanksioneve amerikane kundër Rusisë është “në konsiderim e sipër”.

Ndërkohë, Presidenti i Shteteve të Bashkuara, Donald Trump, tha gjatë takimit të mbajtur me kryeministren britanike në Shtëpinë e Bardhë se është shumë herët të diskutohet mundësia e heqjes së sanksioneve kundër Rusisë, porse shpreson të ketë marrëdhënie të mira me Rusinë. /albeu.com/
Shtuar më 27/01/2017, ora 21:38

Shkruani komentin tuaj!
Të fundit nga kjo kategori