Schulz: Të formohen Shtetet e Bashkuara të Evropës deri në 2025-ën
Kreu i Social-Demokratëve të Gjermanisë, Martin Schulz, partner i mundshëm qeverisës i kancelares Angela Merkel, ka bërë thirrje për krijimin e “Shteteve të Bashkuara të Evropës” deri në vitin 2025.

Sipas Schulz, Evropa duhet të jetë më e bashkuar dhe federale.
“Dua një traktat kushtetues evropian që krijon një Evropë federale”, tha ai.

Ai tha se vetëm një Evropë më e bashkuar mund të përballet me sfidat si ndryshimet klimatke apo menaxhimi i migrimit masiv, mund të detyrojë gjigantët e internetit, si Google dhe Facebook, të respektojnë të drejtat civile, ose mund t’i pengojë kompanitë e mëdha që t’iu shmangen taksave.

“Evropa është sigurimi ynë jetësor”, shtoi më tej ai.
Martin Schulz në mbrëmjen e së enjtes, në kongresin e partisë SPD në Berlin u rizgjodh kryetar i saj.

"Më 19 mars më zgjodhët me 100 për qind. Ky ishte një moment i bukur, por më pas erdhën kohë të vështira", tha Schulz duke iu referuar rezultatit më të dobët në historinë e socialdemokratëve në zgjedhjet parlamentare. "Tani më keni pajisur me 81,94 për qind.

Unë dëshiroj, që mbi bazën e këtij rezultati të vijnë kohë më të mira."

Para votimit kongresi i partisë u shpreh për hapjen e bisedimeve të sondazhit me kristiandemokratët/kristiansocialët (CDU/CSU)për krijimin e koaliconit qeverisës. Socialdemokratët megjithatë e kanë shtyrë vendimin përfundimtar parimor mbi vazhdimin e koalicionit me bazë të gjerë. /albeu.com/
Shtuar më 08/12/2017, ora 18:21

Shkruani komentin tuaj!
Të fundit nga kjo kategori