Rusia urdhëron zvogëlim të personelit diplomatik amerikan
Ministria e jashtme e Rusisë thotë se Shtetet e Bashkuara duhet ta zvogëlojnë numrin e personelit diplomatik në Rusi dhe nuk do të jenë më në gjendje ta shfrytëzojnë një objekt pushimi të Ambasadës së ShteteveBashkuara dhe disa depo në Moskë.

Në deklaratën e sotme, kjo ministri i ka paraqitur këto masa pasi ligjvënësit amerikanë e kaluan legjislacionin me të cilin do të imponohen sanksione shtesë kundër Rusisë.

Ky legjislacion tashmë i është dërguar presidentit amerikan, Donald Trump, për nënshkrim.

Ministria e jashtme tha se personeli diplomatik amerikan duhet të zvogëlohet në 455 vetë deri më 1 shtator, duke thënë se ky është numri i diplomatëve rusë në Ambasadë dhe konsullatat në Shtetet e Bashkuara.

Shfrytëzimi i objektit për pushim dhe të depove nuk do të mund të shfrytëzohen prej 1 gushtit.

Ministria e jashtme ruse tha se legjislacioni për sanksione ka konfirmuar atë që e quan “agresion ekstrem” të ShteteveBashkuara në çështjet ndërkombëtare. /albeu.com/
Shtuar më 28/07/2017, ora 17:17
Shkruani komentin tuaj!
Të fundit nga kjo kategori