Rusia, “thellësisht” kundër pranimit të Malit të Zi në NATO
Ministria e jashtme e Rusisë ka vlerësuar sot se pranimi i Malit të Zi në NATO është lëvizje “thellësisht e gabueshme”, që krijon ndarje në Evropë.

Vendimi i presidentit amerikan, Donald Trump, për të nënshkruar pranimin e Malit të Zi në NATO, sipas tyre reflekton logjikë të konfrontimit në kontinentin evropian dhe krijon linja të reja ndarëse”, tha kjo ministri nëpërmjet një kumtese.

Nga ana tjetër, presidenti Trump mbrëmë vonë në Uashington, tha se prej themelimit të saj, NATO e ka dyfishuar numrin e shteteve anëtare, përfshirë tashmë edhe Malin e Zi.

“Prej vitit 1949, shtetet anëtare të NATO-s janë shtuar më tepër se dy herë, duke u rritur prej 12 në 28. Të hënën unë e nënshkrova protokollin për ta miratuar të 29-tin: vendi i Malit të Zi”, tha presidenti amerikan, Donald Trump.

Për shkak të procedurave, Mali i Zi do të bëhet anëtar i NATO-s në fund të këtij viti, gjë që do të çojë në përforcimin e pranisë së aleancës veri-atlantike në Ballkan, pasi tashmë shtete anëtare janë Shqipëria, Kroacia dhe Greqia. /Albeu.com/
Shtuar më 13/04/2017, ora 19:18

Shkruani komentin tuaj!
Të fundit nga kjo kategori