Presidenti i Ukrainës, Petro Poroshenko, tha se shërbimet e sigurisë së Rusisë po ndërmarrin luftë kibernetike kundër Ukrainës, pasi hakerat kanë sulmuar mbi 6.500 herë institucionet shtetërore të Ukrainës në dy muajt e fundit.

"Hetimi i një numri të incidenteve indikon pjesëmarrjen direkte ose indirekte të shërbimeve të sigurisë ruse, që ndërmarrin luftë kibernetike kundër vendit tonë", tha mbrëmë Poroshenko.

Ai ka kërkuar që Siguria Kombëtare dhe Këshilli i Mbrojtjes i Ukrainës të ndërmarrin masa mbrojtëse.

"Sot mbeten të mundshme aktet e terrorizmit dhe të sabotimit në kapacitetet kritike të infrastrukturës", tha Poroshenko.

Nga ana tjetër, Rusia vazhdimisht i ka hedhur poshtë akuzat për sulme kibernetike. /albeu.com/