Rusia kritikon çmimin për fotografinë e vrasjes së ambasadorit rus në Turqi

Ambasada ruse në Ankara ka reaguar ashpër ndaj të dhënies së çmimit prestigjioz, “World Press Photo Award”, për fotografinë e që ka paraqitur pamjen e një polici turk, që nuk ishte në detyrë, duke e vrarë ambasadorin e Rusisë në Turqi.

Ambasada e Rusisë tha mbrëmë se vendimi i jurisë ishte “demoralizues”dhe tregon “degradim komplet të vlerave morale dhe etike”.

Në deklaratën e postuar në faqen zyrtare në rrjetin Facebook, Ambasada e Rusisë, po ashtu, ka sugjeruar se vepra e fotografit të agjencisë Associated Press, Burhan Ozbilici, ishte “propagandë e papranueshme e tmerrit të terrorit”.

Fotografitë janë bërë pak kohë pasi oficeri 22-vjeçar i policisë turke, Mevlut Mert Altinas nxori revolen dhe e vrau ambasadorin, Andrei Kralov, gjatë një ekspozite fotografish në Ankara, më 19 dhjetor të vitit të kaluar. /albeu.com/
Shtuar më 15/02/2017, ora 19:12

Shkruani komentin tuaj!
Të fundit nga kjo kategori