Rusia do të ndërtojë mur në kufirin mes Krimesë dhe Ukrainës
Rusia do të ndërtojë një mur 50 kilometra të gjatë në kufirin mes Krimesë dhe Ukrainës, ka raportuar këtë të mërkurë agjencia e lajmeve ruse “Tass”.

Planet për ndërtimin e murit kanë si qëllim “garantimin e sigurisë së republikës (së Krimesë)”, thuhet në një raport të Shërbimit Rus të Sigurisë.

FSB ka njoftuar se qeveria ruse ka publikuar në faqen e prokurimeve zyrtare një tender për furnizimin me material dhe instalimin e gardhit me tela në rajonin Krasnoperekopsky të Krimesë, në kufi me Ukrainën, përcjell TCh.

Republika autonome e Krimesë u bë pjesë e Rusisë në mars të vitit 2014, pas një referendumi lokal, që nuk u njoh nga Ukraina dhe vendet e Perëndimit. /albeu.com/
Shtuar më 27/09/2017, ora 22:55
Shkruani komentin tuaj!
Të fundit nga kjo kategori