Rusia dënon ashpër testimin e raketës balistike nga Koreja Veriore
Testimi i radhës i raketës balistike nga Koreja Veriore përbën shkelje të rezolutës së Këshillit të Sigurimit të Kombeve të Bashkuara, ka thënë sot zëvendës-ministri i Jashtëm i Rusisë, Sergei Ryabkov.

Agjencia ruse e lajmeve RIA ka cituar Ryabkovin të ketë thënë se tensionet me Korenë Veriore rrezikojnë të çojnë drejt zhvillimeve katastrofike dhe se lëshimi i raketës tregon se rruga e vetme përpara është organizimi i bisedimeve shumëpalëshe me Korenë Veriore.

Sot gjatë ditës, Koreja Veriore pohoi se ka testuar me sukses një raketë balistike ndërkontinentale (ICBM) për herë të parë, e cila sipas ekspertëve ka kapacitet të godasë shtetin Alaska të SHBA-ve. /albeu.com/
Shtuar më 04/07/2017, ora 16:26
Shkruani komentin tuaj!
Të fundit nga kjo kategori