E FUNDIT/ Sherr mes uniformave blu, shkarkohen 2 shefa të policisë rrugore
Rusia arreston shkencëtarët, tentuan të përdornin kompjutera për të përfituar Bitcoin
Rusia njoftoi se ka arrestuar disa shkencëtarë të një laboratori nuklear në Sarov, të cilët kanë tentuar të përdorin fuqinë e madhe të kompjuterëve shkencorë për të përfituar në monedhat dixhitale Bitcoin.

Të dyshuarit, thuhet në njoftimin e autoriteteve ruse janë përpjekur që të vënë në punë një superkompjuter për ta përdorur atë për të akumuluar kripto-valutën e famshme.

Stafi i sigurisë është vendosur në dijeni të përpjekjes së grupit të shkencëtarëve në momentin që ata e kanë lidhur superkompjuterin me internetin.

Ky kompjuter, sipas deklaratës së Shërbimit të Sigurisë Federale, nuk duhej të lidhej me internetin për çështje sigurie.

Ndaj grupit të shkencëtarëve ka nisur një hetim penal.

Numri i të arrestuarve nuk bëhet i ditur. Kompleksi nuklear në Sarov është ai ku Bashkimi Sovjetik prodhoi bombën e parë bërthamore.

Monedhat virtuale, siç është edhe Bitcoin, nuk bazohen tek një server i centralizuar, por kushdo me një kompjuter të përshtatshëm mund të gjenerojë monedha të tilla.

Bitcoin është një monedhë dixhitale, e gjeneruar përmes një algoritmi kompjuterik, nuk ekziston fizikisht, dhe nuk ka asnjë autoritet qeverisës apo Bankë Qendrore që rregullon funksionimin e Bitcoin-it.

Përmes një sistemi të sofistikuar vlera e Bitcoin është përcaktuar nga kërkesë-oferta në llogaritë që mund të hapen në internet, pra praktikisht një treg i parregulluar.

Që nga emetimi i parë në rrjet në 2009-n e deri disa vite më pas, me 1 dollarë mund të blije me shumë se 3 bitcoin.

Koha kaloi dhe kjo monedhë dixhitale tërhoqi pas vetes mjaft persona që i besuan, si alternativë për të investuar paratë, njësoj sikur të blinin ar apo valutat të tjera reale.

Kthesa më e madhe ndodhi këtë vit, kur vlera e Bitcoin është rritur me më shumë se 1600 %. /albeu.com/
Shtuar më 09/02/2018, ora 19:45
Shkruani komentin tuaj!
Të fundit nga kjo kategori