Putin për sanksionet e SHBA-ve: Ilegale dhe tejet cinike!
Sanksionet e reja të vendosura nga Shtetet e Bashkuara kundër Rusisë janë tejet cinike, kështu ka thënë sot presidenti rus, Vladimir Putin.

Presidenti rus akuzoi Uashingtonin se po i përdor përparësitë politike për qëllime biznesi.

Nëse SHBA-të implementojnë sanksione të reja kundër Rusisë, atëherë do të jenë veçanërisht për të ardhur keq për shkak se ky do të ishte akt agresioni dhe cinizëm i madh, ka thënë Putin.

Sipas liderit rus, aplikimi i legjislacionit amerikan jashtë territorit të saj është i papranueshëm për shkak se do të çonte drejt shkatërrimit të sistemit të marrëdhënieve ndërkombëtare.

“Sa i përket natyrës jashtë territoriale të legjislacionit amerikan, kam folur për këtë për një kohë të gjatë, duke filluar nga viti 2007... kjo praktikë është e papranueshme, do t’i shkatërrojë ligjet ndërkombëtare dhe marrëdhëniet ndërkombëtare,” ka thënë Putin. /albeu.com/
Shtuar më 27/07/2017, ora 17:42

Shkruani komentin tuaj!
Të fundit nga kjo kategori