Putin nënshkruan “ligjin e shpullës” që heq dhunën nga veprat penale
Presidenti rus, Vladimir Putin ka nënshkruar ditën e sotme një ligj që i konsideron vetëm si shkelje administrative rastet e dhunës në familje si goditjet të cilat konsiderohet se shkaktojnë vetëm dhimbje, por jo lëndime trupore.

Ligji i quajtur si “ligji i shpullës”, merret me rastet kur prindërit godasin fëmijët e tyre apo kur partnerët apo bashkëshortët sulmojnë njëri-tjetrin.

Sipas këtij ligjit të ri, kur dikush kryen shkeljen e parë të tillë administrative, personi në fjalë ndëshkohet me gjobë prej 500 dollarëve, paraburgim deri në 15 ditë, apo 120 orë shërbim për komunitetin.

Ndërohë, të menjëhershme kanë qenë reagimet e organizatat që merren me të drejtat e fëmijëve dhe grave duke i kritikuar ashpër këto ndryshime në këtë ligj.

Dhoma e sipërme e parlamentit rus, Këshilli Federativ e ka miratuar ligjin më 1 shkurt, disa ditë pasi ai është miratuar edhe nga dhoma e ulët e parlamentit. /albeu.com/


Shtuar më 07/02/2017, ora 20:54

Shkruani komentin tuaj!
Të fundit nga kjo kategori