Putin, kandidat për çmimin Nobel për Paqe
Presidenti rus, Vladimir Putin është nominuar për çmimin Nobel për Paqe. Akademia Ndërkombëtare e Unitetit Shpirtëror të Popujve propozoi nominimin e kreut të shtetit, por pa përmendur këtu politikën e ashpër në Çeçeni apo luftën që nisi në Gjeorgji.

Madje Akademia rendit si arsye për nominimin, përpjekjen e tij për të ndaluar SHBA-të të sulmojnë Sirinë, kur kjo e fundit u akuzua se kishte përdorur armë kimike ndaj popullit të saj. Iniciativa e kreut të Akademisë, Geroge Trapeznikov, u përkrah nga politikanë dhe figura të shquara publike.

Në Komitetin e Nobelit deri më tani refuzojnë të konfirmojnë apo të mohojnë informacionin në lidhje me propozimin e marrë dhe njerëz të afërt të Putin thonë se as presidenti nuk do të komentojë, duke qenë se është një njeri tejet modest. Çmimi u jepet personave që kanë ndikuar në një botë më të mirë, kanë ndihmuar në shuarjen e konflikteve, rregullimin e marrëdhënieve mes popujve e kombeve.
Shtuar më 02/10/2013, ora 17:30
Shkruani komentin tuaj!
Të fundit nga kjo kategori