Përmirësohet shëndeti i ish-Presidentit Bush
Gjendja shëndetësore e ish-presidentit amerikan, George H.W. Bush është përmirësuar.

Stafi mjekësor në Spitalin e Hjustonit, njoftoi të martën se ai ka dalë nga reparti i terapisë intensive.

“Ka ende shumë kollë”, tha mjeku Clint Doerr, duke shtuar se presidenti i 41-të i SHBA ka ende nevojë për kujdes.
Ai shtoi 92-vjeçari mund të dalë nga spitali gjatë ditëve të ardhshme në se gjendja e tij vazhdon të përmirësohet.

Një doktoreshë tjetër, Amy Mynderse, tha se gruaja 91-vjeçare e zotit Bush, Barbara Bush, e cila është trajtuar gjatë ditëve të fundit në të njëjtin spital për bronshit viral, po përmirësohet dhe doli sot nga spitali. Barbara u kthye pranë shtratit të bashkëshortit të saj në spital.

Barbara dhe George Bush janë të martuar së bashku prej 72 vitesh. /albeu.com/


Shtuar më 24/01/2017, ora 19:51

Shkruani komentin tuaj!
Të fundit nga kjo kategori