Prezantimi i Teslas së re, Elon Musk sërish në siklet
Gjatë prezantimit të Teslas së re “Cybertruck”, Elon Musk pati një moment të sikletshëm ndërsa tentonte të demonstronte se sa të fortë ishin xhamat e dritareve për tu thyer.

Jo një por madje dy herë xhamat e makinës së blinduar, u thyen, duke bërë që gjërat të mos shkonin sipas planit, me Musk që bënte shaka se kishte ende vend për përmirësime.

Makina u prezantua në Hawthorne të Kalifornisë, ku dizajni i saj i veçantë u prit me brohoritje, por edhe hutim. Makina e re e Teslës do të shitet me një çmim që fillon nga 39 mijë dollarë, për një model që ka një pavarësi ecjeje në rrugë prej 400 km ndërsa modeli më i shtrenjtë do të kushtojë 69 mijë euro dhe do të ketë një pavarësi më të madhe.

Në Cybertruck mund të udhëtojnë deri në gjashtë të rritur.

Shtuar më 22/11/2019, ora 15:49

Shkruani komentin tuaj!
Të fundit nga kjo kategori