Po falej Kurban Bajrami, goditet me raketa Pallati Presidencial
Pëlqej
12 raketa janë hedhur në Kabul mëngjesin e kesaj te marte ku besimtarët mysliman po festojnë Kurban Bajramin.

Raketat kanë synuar Pallatin Presidencial dhe zonën diplomatike në kryeqytetin e Afganistanit.

Sulmi erdhi ndërsa presidenti Ashraf Ghani po fliste në ceremoninë e faljes së Bajramit.

Zyrtarët afganë thanë se luftimet shpërthyen midis forcave të sigurisë dhe grupeve të armatosura në lagjen e vjetër të qytetit, dhe flitet për të paktën 2 të plagosur.

Presidenti Ashraf Ghani po fliste drejtpërdrejt në televizion për të festuar Kurban Bajramin kur u dëgjuan shpërthime, disa prej tyre pranë pallatit presidencial.

Sulmi vjen pasi talebanët refuzuan ofertën e armëpushimit nga qeveria afgane të hënën (20 gusht), duke thënë se ata do të vazhdonin me sulmet e tyre.

Të hënën, talebanët sulmuan tre autobusë që mbanin rreth 200 udhëtarë dhe i rrëmbyen. Agjencia e lajmeve Reuters raportoi se 160 prej tyre u liruan më vonë, ndërsa të paktën 20 mbetën robër. /albeu.com/

Shtuar më 21/08/2018, ora 09:19
Shkruani komentin tuaj!
Të fundit nga kjo kategori