Pilula e rrezikshme merr një tjetër jetë, vdes 17 vjeçari
Një 17-vjeçar ka vdekur në një spital në Leverkusen, Gjermani, nga një pilulë vdekjeprurëse ekstazie. Ai është një viktimë tjetër e një pilule që ka një përqendrim kaq të lartë të përbërësit aktiv e që mund të shkaktojë vdekje!

Policia e Këlnit lëshuar një paralajmërim duke e përshkruar atë si një tabletë me dy ngjyra, siç në logon e Sprite, e gjelbër në njërën anë dhe e kuqe nga ana tjetër.

Ekspertët nga Byroja Shtetërore e Hetimit Penal në Dusseldorf hetuan pilulën. Sipas policisë, ajo përmbante aq shumë përbërës aktiv MDMA sa vepron dy herë më fortë se ekstaza konvencionale.

Komisariati përkatës i krimit ka filluar të hetojë origjinën e këtyre pilulave.

Kohët e fundit, testuesit britanikë të ilaçeve Loop paralajmëruan pilula të ngjashme. Tabletat sprite (në këtë rast portokalli dhe të bardha) ishin ndër pilulat më të forta qarkulluese në treg. Njëra përmban 300 miligramë MDMA.

“Mënyra më e sigurt, pra, është të mos merrni fare tableta Sprite. Kjo njohuri mund të shpëtojë jetë”, tha një ekspert i narkotikëve.
Shtuar më 24/08/2019, ora 13:34
Shkruani komentin tuaj!
Të fundit nga kjo kategori