Përplasje verbale të forta Rusi - Perëndim në OKB
Pëlqej
Rusia, si duket është goditur keqas nga sanksionet e vëna nga BE-ja dhe SHBA-ja dhe një gjë të tillë e ka treguar në fjalimin në OKB, ministri i Jashtëm i Rusisë, Sergei Lavrov.

Ministri rus akuzoi Uashingtonin se po përdor forcën e vet të njëanshme dhe se ka bërë grusht shteti në Ukrainë, duke rrëzuar nga pushteti ne janar te ketij viti presidentin pro-rus.

Lavrovi tha se SHBA-ja në të gjitha sulmet që ka ndërmarrë ka dëshmuar vetëm arrogancë, që nga sulmet e NATO-s mbi Serbinë gjatë luftës së Kosovës, ndërhyrja ushtarake më 2003 në Irak dhe ndërhyrja e NATO-s më 2011-tën në Libi.

Sipas ministrit të jashtëm rus, populli rus në Krime vendosi për pavarësi dhe se ai popull ka të drejtën e vetëvendosjes.

Ndërsa, përpara fjalës së Lavrovit, foli ministri i Jashtëm gjerman Frank-Walter Steinmeier, i cili tha se aneksimi i Krimesë nga ana e Rusisë është një krim. /albeu.com/
Shtuar më 28/09/2014, ora 10:52
Shkruani komentin tuaj!
Të fundit nga kjo kategori