Pas tragjedisë me 176 viktima, SHBA anulon fluturimet drejt Iranit dhe Irakut
Irani filloi sot sulmet ndaj SHBA, pas eliminimit nga ajri të gjeneralit iranian.

Menjëherë pas sulmit me raketa, një avion është rëzuar duke shkaktuar një bilanc tragjik me 176 viktima.

Shtetet e Bashkuara kanë ndaluar gjitha fluturimet e transportuesve amerikanë në Irak, Iran dhe në Gjirin Persik, pas sulmeve me raketa ndaj forcave amerikane në Irak, më 8 janar.

Administrata Federale e Aviacionit Amerikan (FAA) lëshoi një njoftim për ndalesën e “operatorëve të aviacionit civil, nga operimi në hapësirën ajrore mbi Irak, Iran dhe ujërat e Gjirit Persik si dhe të Gjirit të Omanit”, shkruan REL.

FAA do të vazhdojë të vëzhgojë nga afër ngjarjet në Lindjen e Mesme, thuhet në deklaratë.

FAA tha se ndalimi i fluturimeve në këtë hapësirë ajrore bëhet “për shkak të aktiviteteve të ngritura ushtarake dhe tensioneve të rritura politike në Lindjen e Mesme, të cilat paraqesin një rrezik për operacionet e aviacionit civil të SHBA-së.


Shtuar më 08/01/2020, ora 11:32

Shkruani komentin tuaj!
Të fundit nga kjo kategori