Presidenti Joe Biden ka thënë se amerikanët janë të dëshpëruar pasi po përballen me rritjen e inflacionit pas dy viteve pandemi. Ai i tha Associated Press se “nevoja për kujdesin e shëndetit mendor në Amerikë është rritur”. Biden tha se ai donte që amerikanët “të ishin të sigurt sepse ai është i sigurt”.
Popullariteti i presidentit është ulur teksa afrohen zgjedhjet e nëntorit që do të vendosin se cila parti kontrollon Kongresin, shkruan BBC.
“Njerëzit janë me të vërtetë të dëshpëruar. Shumica e saj është pasojë e, e asaj që po ndodh, ajo që ndodhi është pasojë e krizës Covid. Njerëzit humbën punën e tyre. Njerëzit janë pa punë. Dhe më pas, a do të ktheheshin në punë? Shkollat u mbyllën.”- tha Biden.
I pyetur në lidhje me mundësinë e rënies së ekonomisë amerikane në recesion, presidenti demokrat këmbënguli se kjo nuk ishte “e pashmangshme”. Ai gjithashtu i quajti “të çuditshme” argumentet se paketa e tij e ndihmës për koronavirusin prej 1.9 trilion dollarësh kishte ndezur inflacionin.
Gjatë intervistës, Biden tha: Nëse është faji im pse ndodh në çdo vend tjetër të madh industrial në botë që inflacioni është më i lartë? Ju pyesni veten këtë?.