Paris Hilton dëshiron ta ndryshojë imazhin
Albeu.com
Duket se Paris Hilton është pjekur. Pasanikja 26-vjeçare po tenton ta ndryshojë imazhin nga një vajzë që është dëfryer në "party" në një vajzë më të urtë.Kështu ka vendosur pas vuajtjes së dënimit prej 23 ditëve në burg për shkelje të rregullave të trafikut. "Ka shumë njerëz të lig në Los Angeles. Përpara jeta ime ishte vetëm argëtimi. Shkuarjet në ahengje për mua ishin një fantazi", i ka thënë revistës "Newsweek" Hilton. "Por, kur kam kohë dhe e rikujtoj këtë, ndihem se nuk kam bërë asgjë. Dëshiroj së paku t'i jap ndonjë vepër timen botës". Hiltoni thotë se është e përkushtuar që ta shfrytëzojë famën e saj për të mirë. Muajin që vjen, ajo planifikon t'i paketojë valixhet dhe ta vizitojë Ruandën, si dhe t'u kushtojë më shumë rëndësi popujve afrikanë. "Jam e frikësuar. Kam dëgjuar se është rrezik të vizitohet ky vend", thotë ajo. "Përpara nuk kam udhëtuar shumë". Hiltoni në këtë vizitë do të shoqërohet nga organizata humanitare amerikane "Playing for Good", ndërsa do të vizitojë klinika shëndetësore për pesë ditë rresht. "Dëshiroj t'i dokumentoj të gjitha", thotë Hiltoni, e cila shpreson të bëjë edhe një film për këtë ngjarje.
Shtuar më 18/10/2007, ora 16:17
Tage: arkiv
Shkruani komentin tuaj!
Të fundit nga kjo kategori