Osama Bin Laden mesazh terroristëve në internet
Një kasetë e re që mendohet të ketë zërin e udhëheqësit të Al-Kaedës Osama Bin Laden është shfaqur në internet ku flet për përmbytjet e fundit në Pakistan.

Inçizimi prej 11 minutash, i vendosur në faqe interneti ekstremistësh, përqendrohet tek përpjekjet e shpëtimit dhe tek ajo që duhet bërë për të parandaluar katastrofat natyrore në të ardhmen. Është mesazhi i tretë javët e fundit nga figura të Al-Kaedës që trajton përmbytjet shkatërruese në Pakistan.

Grupi i zbulimit SITE, me bazë në Shtetet e Bashkuara, që monitoron forumet terroriste, thotë se mesazhi i fundit dëgjohet në një video ku është bërë një montazh duke vendosur fotografinë e Bin Ladenit mbi pamjet filmike të shpërndarjes së ndihmave.

Në inçizim, Bin Ladeni inkurajon një ndryshim në mënyrën sesi kryhen misionet e ndihmave dhe bën thirrje për krijimin e një organizate ndihmash për të studjuar rajonet muslimane të vendosura pranë lumenjve dhe zonave të ulëta. Ai bën thirrje gjithashtu për një investim më të madh në bujqësi.
Shtuar më 01/10/2010, ora 20:42

Shkruani komentin tuaj!
Të fundit nga kjo kategori