Opozita siriane nuk e pranon planin ndërkombëtar
Plani i Rusisë për të pastruar Sirinë nga armët e saj kimike nuk do të sjellë zgjidhjen e konfliktit në vend. Këtë koment e ka bërë ditën e djeshme kreu i grupit opozitar, Ushtria Siria e Lirë nga Stambolli.

Ndërsa vazhdojnë luftimet e ashpra pranë Damaskut, pasi trupat e qeverisë siriane goditën lagjet e kontrolluara nga kryengritësit me artileri nga toka dhe predha nga ajri.

Në Stamboll, komandanti i kryengritësve Gjenerali Selim Idriss dënoi planin, duke thënë se Rusia nuk është neutrale në këtë konflikt.

Gjenerali Idriss thotë se opozita e hedh poshtë në mënyrë kategorike propozimin, pasi nuk ka besim në regjimin e Assadit apo tek Rusia, e cila ndihmon regjimin sirian të vrasë shtetasit e saj. /albeu.com/
Shtuar më 15/09/2013, ora 10:58
Shkruani komentin tuaj!
Të fundit nga kjo kategori