Ofensiva kunder Talebaneve, NATO pershendet operacionet
Albeu.com
Forcat e NATO-së në Afganistan e kanë quajtur të suksesshme fazën e parë të një operacioni të madh për largimin e talibanëve nga dy rajonet kryesore të Helmandit në jug.
Më shumë se 15 000 trupa amerikane, britanike dhe afgane morën Marjah dhe Nad Ali para agimit të së shtunës. Zyrtarët deklaruan se objektivi është arritur.

Gjatë natës pati luftime të kufizuara, por nuk është raportuar për viktima. Dy ushtarë të vrarë të NATO-s janë konfirmuar të shtunën.
Operacioni Moshtarak, është sulmi më i madh që nga rënia e talibanëve në vitin 2001.

Moshtarak, që do të thotë “së bashku” në gjuhën Dari, është udhëhequr nga 4 000 trupa amerikane, të mbështetur nga 4 000 trupa britanike, dhe një forcë e madhe afgane dhe nga kanadezët, danezët dhe estonezët.
Kryeministri britanik Gordon Brown vlerësoi forcat britanike për aksionin e tyre.

Një zëdhënës i Shtëpisë së Bardhë tha se presidenti Barack Obama ishte duke ndjekur nga afër operacionet luftarake. Ai do të informohet gjithashtu nga komandanti më i lartë amerikan në Afganistan të dielën në mëngjes.
Një zëdhënës i talibanëve, Qari Yousef Ahmadi foli për disa agjenci, duke thënë se militantët vazhdonin të rezistonin në Marjah dhe po përdornin taktikat guerile.

Komandanti i trupave afgane në operacion, Mohammad Zazai tha se 20 militantë janë vrarë deri tani dhe 11 janë arrestuar.

Vlerësohet se midis 400 dhe 1 000 militantë kanë qenë në regjion para se të fillojë Operacioni Moshtarak.
Shtuar më 14/02/2010, ora 17:49
Tage: arkiv
Shkruani komentin tuaj!
Të fundit nga kjo kategori