Kreu i Grupit Parlamentar të PS-së, Taulant Balla ka hedhur poshtë zërat për ndryshime në qeverinë “Rama 3”.
I pyetur nga gazetarët sot pas mbledhjes e grupit të PS-së, nëse do të ketë ndryshime, përgjigja e tij ishte: Ju i lëshoni vetë këto lajme dhe më pas na pyesni ne nëse janë të vërteta. Kjo nuk ka qenë temë diskutimi për grupin parlamentar të Partisë Socialiste”.
Balla gjithashtu u pyet për kontrollet që po bëjnë ministrat dhe deputetët nëpër markete, për të parë nëse ka abuzime me çmimet.
“Unë kam blerë edhe shportën e ushqimeve për familjen time dhe po ju them që është diçka që e bën çdo deputet i përgjegjshëm. Duhet që produktet e ushqimeve të kenë oferta çmimesh. Ju ftoj ju që mos harxhoni kot, por bëni verifikime që në rafte marketesh të ketë 1 kg sheqer 99 lekë, të ketë 1 kg miell me pakicë 89 lekë. Të ketë edhe litër vaj tek 300 lekësh në kushtet që kjo krizë ka goditur gjithë botën. Lufta zhvillohet në Ukrainë por efektet e saj negative janë zhvilluar kudo”, tha Balla.
