Obama: Michelle ma ndalon rikandidimin për President
Presidenti i SHBA-ve, Barack Obama ka pranuar se nuk do të kandidonte sërish për kryetar, edhe sikur të ishte kjo e mundur. Kjo sepse nuk do ta lejonte bashkëshortja e vet Michelle.

Obama bëri këtë deklaratë gjatë fushatës për politikën ekonomike në Indiana me ç’rast ftoi zgjedhësit të përkrahin Partinë Demokratike, të tijën.

Gjatë fjalimit, një përkrahës i Obamas brohoriti: “Edhe katër vjet”, duke aluduar në sloganin popullor të fushatës së tij të dytë nga viti 2012, njoftojnë medie të huaja, transmeton Koha.net . "Nuk mundem", u përgjigj Obama. "Me Kushtetutë e kam të ndaluar, dhe, që është më me rëndësi, këtë ma ndalon edhe Michelle".

Kushtetuta amerikane lejon vetëm një rizgjedhje të Presidentit. Obama ka thënë se pret që fituesi i garës demokratike presidenciale të dihet javën e ardhshme pasi Hillary Clinton dhe Bern Sanders ta përfundojnë garën në Kaliforni dhe Neë Jersey.

Ndërkohë, Obama s’e përkrahu as Clintonin e as Sandersin, sado që mrekullohet me Hillary Clintonin të cilën e kishte emëruar Sekretare amerikane të Shtetit.

Duke mos e përmendur emrin e Donald Trumpit, Obama deklaroi se “ajo që republikanët flasin për ekonomi, nuk ka bazë faktike”./Albeu.com/
Shtuar më 02/06/2016, ora 12:40
Shkruani komentin tuaj!
Të fundit nga kjo kategori