Ish-presidenti i SHBA-së Barack Obama ka deklaruar se nuk do të pranojë një vend në administratën e ish-zëvendës presidentit të tij dhe tani president i zgjedhur Joe Biden.

Në një intervistë për mediat, duke iu përgjigjur pyetjes se si do ta ndihmojë Biden kur ai të marrë detyrën e Presidentit në janar, ai tha se Biden nuk ka nevojë për këshillën e tij.

I pyetur nëse do të merrte parasysh një post në administratë, ai tha se nuk do ta bënte diçka të tillë pasi gruaja e tij, Michelle, do ta linte menjëherë.

“Unë do ta ndihmoj në çdo mënyrë të mundshme. Nuk e kam ndërmend të filloj papritmas të punoj si një anëtar i kabinetit të Shtëpisë së Bardhë. Ka disa gjëra që nuk do të bëja sepse Mishel do të më linte.”-tha me nota humori Obama.