Presidenti i Shteteve të Bashkuara, Barack Obama përmes një telefonate të kryer me presidentin e Francës në largim, Nikolas Sarkozy e ka falënderuar atë për udhëheqjen e fortë si dhe për miqësinë dhe partneritetin në kohëra sfiduese.

Në deklaratën e Shtëpisë së Bardhë thuhet se Obama "ka shprehur vlerësimin e tij për bashkëpunimin që ka karakterizuar marrëdhëniet mes dy udhëheqësve nga janari i vitit 2009". Sarkozy humbi në zgjedhjet presidenciale të 6 majit, të cilat nxorrën fitues kandidatin socialist François Hollande. /albeu.com/