Obama-Erdoganit: Tërhiq trupat nga Veriu i Irakut
Presidenti i Shteteve të Bashkuara të Amerikës, Barack Obama i ka kërkuar Presidentit turk, Tayyip Erdogan që të ulë tensionet me Irakun duke vazhduar të tërheqë forcat turke nga veriu i Irakut.

Obama kishte telefonuar Erdoganin për këtë qëllim dhe lajmi është konfirmuar edhe nga Shtëpia e Bardhë.

Përmes një deklarate, Shtëpia e Bardhë thotë se të dy udhëheqësit biseduan edhe për luftën kundër terrorizimit, sidomos kundër terroristëve të Shtetit Islamik në Siri.

SHBA-të kanë përsëritur kërkesën që të mbështetet opozita e moderuar siriane, si aleatja e tyre e brendshme në luftën kundër ISIS, por edhe kundër Presidentit Assad. /albeu.com/
Shtuar më 19/12/2015, ora 10:23
Shkruani komentin tuaj!
Të fundit nga kjo kategori