Numri i refugjatëve sirianë shkon mbi dy milionë (FOTO-LAJM)

OKB-ja njofton se për shkak të dhunës dhe luftës në Siri, më shumë se dy milionë refugjatë sirianë janë zhvendosur në vendet fqinje.

Numri i fëmijëve, grave dhe meshkujve që ikin nga vendi i tyre thuajse është dhjetëfishuar në 12 muajt e fundit.

"Siria është shndërruar në tragjedinë më të madhe të këtij shekulli – në një fatkeqësi të turpshme humanitare, me vuajtje e zhvendosje të pashembullt në kohët e fundit", thekson komisionari i lartë për refugjatë në OKB, António Guterres.

Mesatarisht, në vendet fqinje çdo ditë largohen nga 5,000 sirianë. Vetëm në kampin Zaatari, në Jordani - i cili koniderohet kampi më i madh i refugjatve në botë, sipas shënimeve të fundit qëndrojnë mbi 150,000 persona.

"Nëse situata vazhdon të përkeqësohet me këtë ritëm, numri i refugjatëve do të rritet dhe disa vende fqinje mund të kolabojnë", pohon e dërguara e UNHCR, Angelina Jolie.

Nga ana tjetër, sipas raportit, numri i zhvendosurve brenda Sirisë është afro 4,250,000. /albeu.com/
Shtuar më 03/09/2013, ora 12:39
Shkruani komentin tuaj!
Të fundit nga kjo kategori