Nuk dorëzohet! Donald Trump kërkon rinumërimin e votave në një tjetër shtet
Donald Trump nuk ka ndërmend të dorëzohet përballë Biden për zgjedhjet të cilat nxorrën fitues këtë të fundit.

Fushata e rizgjedhjes së Donald Trump, konfirmoi në një deklaratë se po kërkon rinumërimin e dy qarqeve me prirje demokratike, në Wisconsin.

Fushata u ka kërkuar qarqeve Milëaukee dhe Dane të bëjnë rinumërime, duke përmendur akuza për “rezultate të ndryshuara në mënyrë të paligjshme”.

“Njerëzit e Wisconsin meritojnë të dinë nëse proceset e tyre zgjedhore funksionuan në mënyrë ligjore dhe transparente. Për fat të keq, integriteti i rezultateve të zgjedhjeve nuk mund të besohet pa një rinumërim në këto dy qarqe dhe zbatimin uniform të kërkesave të votave që mungojnë në Wisconsin.”, tha Jim Troupis, këshilltar i fushatës.

Komisioni Zgjedhor i Wisconsin tashmë ka konfirmuar se ka marrë 3 milion dollarë nga fushata Trump për rinumërimin dhe fushata tha se do të paraqesë zyrtarisht peticionin e saj për rinumërim këtë pasdite.

Rinumërimi nuk ka gjasa të ndryshojë fitoren e Joe Biden në shtet, pasi presidenti i zgjedhur kryeson në Ëisconsin me më shumë se 20,000 vota.

Edhe nëse Trump do të fitonte Wisconsin pas rinumërimit, gjë që është jashtëzakonisht e vështirë, shteti nuk do ndryshonte fitoren e Biden në kolegjin elektoral.
Shtuar më 18/11/2020, ora 19:01

Shkruani komentin tuaj!
Të fundit nga kjo kategori