Një 67-vjeçar është gjetur pa shenja jete në një kanal me ujë në fshatin Vidhishtë në Roskovec.
Dyshohet se viktima është mbytur, ndërsa policia njofton se gjatë kqyerjes së trupit nuk janë konstatuar shenja dhune.
Shtetasi B.B ishte shpallur në kërkim dy ditë më parë.
NJOFTIMI I POLICISË:
Sot më datë 09.07.2022, në fshatin Vidhishtë, Roskovec, është gjetur pa shenja jete, dyshohet i mbytur në një kanal me ujë, shtetasi B. B., 67 vjeç, banues në Roskovec Nga këqyrja paraprake e trupit të 67-vjeçarit, nuk konstatohen shenja dhune. Ky shtetas është shpallur në kërkim më datë 07.07.2022, nga Komisariati i Policisë Fier, për largim nga banesa. Grupi hetimor po punon për zbardhjen e rrethanave të ngjarjes. /albeu.com
