Nikoliç kërkon mbrojtjen e gjuhës sllave dhe të "drejtave serbe" në Ballkan
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Presidenti serb Tomislav Nikoliç, ka kërkuar mbrojtje më të madhe për të drejtat e serbëve në rajonin e Ballkanit.

Ai e ka bërë këtë kërkesë pas takimit me një ish-lider serbBosnjës i cili është i dënuar për krime lufte.

Takimi në mes të presidentit serb, dhe liderit serbBosnjës, Momçilo Krajshnik më 11 janar ka reflektuar ngritjen e nacionalizmit serb në rajon derisa takimi është dënuar nga grupet për të drejtat e njeriut.

Krajshnik ka bërë 13 vjet e gjysmë burg pasi është dënuar nga Tribunali i Hagës për krimet e luftës në ish Jugosllavi për persekutimin dhe zhvendosjen me dhunë të jo serbëve gjatë luftës së Bosnjës dhe është liruar në vitin 2013.

Më 1995, marrëveshja e paqes e arritur me ndihmën amerikane e ka kthyer Bosnjën në një union të dy rajoneve, njërit serb dhe tjetrit myslimano-kroat.

Por, marrëveshja ka filluar të dëmtohet pasi liderët serbë të Bosnjës kanë filluar thirrjet për ndarje të Republikës Serbe të Bosnjës dhe bashkimit të saj me Serbinë.

Krajshnik, që tani e udhëheqë një organizatë jo qeveritare të quajtur Asociacioni i Krijuesve të Republikës Serbe, pas takimit me Nikoliçin ka thënë se Bosnja është "bërë një shtet i pamundur".

"Populli serb nuk ndjehet rehat", ka thënë ai dhe ka shtuar "e as kroatët nuk ndjehen mirë…Situata në Bosnje është alarmuese".

Nikoliç, i cili konsiderohet fuqishëm pro rus, ka thënë se serbët jo vetëm që duan mbrojtjen e "statusit" të tyre, por po bëjnë thirrje për mbrojtjen e shkronjave të sllavishtes së vjetër dhe gjuhën serbe në përgjithësi. /albeu.com/
Shtuar më 12/01/2017, ora 10:23

Shkruani komentin tuaj!
Të fundit nga kjo kategori
 
Partia Demokratike po zhvillon protesten anti-qeveritare, me kerkesen per zgjedhje te lira.

Partia Demokratike po zhvillon protesten anti-qeveritare, me kerkesen per zgjedhje te lira.