Tre vite më parë vihej në skenë një nga rikthimet më të pabesueshme të rezultateve në futboll. Liverpool kaloi Barcelonën 4-0 në ndeshjen e kthimit duke arritur kualifikimin historik edhe falë golit të lindur nga këmbët e Alexander Arnold.
Të gjithë e kujtojnë atë moment kur kapësi i topave, një 15-vjeçar në atë periudhë, e lexoi mjaft mirë situatën duke i dhënë një top të shpejtë lojtarit të krahut që kapi në befasi mbrojtjen katalanase për golin e 4-0.
Djaloshi quhej Oakley Cannonier dhe gjatë tre viteve të fundit ka bërë një rrugë të gjatë. Sot ai është pjesë e skuadës së 18 vjeçarëve të Liverpool dhe në kampionatin e kësaj grupmoshe është golashënuesi më i mirë me 20 realizime personale.
Cannonier ka nënshkruar gjithshtu edhe një kontratë si profesionist me klubin. Kjo jo për faktin që ai frymëzoi një nga arritjet më të mëdha të historisë së Liverpool, por sepse ka treguar në fushën e lojës që një ditë mund të jetë ai e ardhmja e “The Reds”.
