Në Mal të Zi mbahet Parada e parë e Homoseksualëve
Rreth 2 mijë policë u angazhuan rrugëve të Podgoricës, për të siguruar Paradën e parë të Homoseksualëve në kryeqytetin e Malit të Zi. Masat e shtuara të sigurisë pasonin kërcënimet kundër kësaj kategorie të shoqërisë.

Qeveria e kryeministrit Millo Gjukanoviç, e cila po punon për anëtarësimin e Malit të Zi në Bashkimin Evropian, ka mbështetur mbajtjen e paradës në një mjedis të sigurt.

Në muajin korrik, policia malazeze u përlesh me dhjetëra protestues, të cilët sulmuan disa aktivistë homoseksualë në qytetin e Budvës.

Në muajin shtator, Serbia anuloi paradën e homoseksualëve për të tretin vit me radhë, për shkak të kërcënimeve për dhunë. /albeu.com/
Shtuar më 20/10/2013, ora 13:06

Shkruani komentin tuaj!
Të fundit nga kjo kategori