Kriza e Eurozonës, përveçse ka goditur financat është shndërruar edhe në një lojë nervash mes udhëheqësve të vendeve anëtare të monedhës së përbashkët.

Kryeministri italian, Mario Monti është kundërpërgjigjur ndaj deklaratës së ministres austriake se Italia mund të ketë të nevojshme ndihmën financiare nga vendet e tjera të Eurozonës, ashtu sikundër bëri Spanja. Në një pronocim për mediat italiane Monti u shpreh se ministri i një vendi të tillë nuk mund të komentojë deklarata të këtij tipi.


“E konsideroj si të pavend deklaratën e një Ministri Financash të një vendi tjetër që vendos të komentojë situatën financiare të një shteti tjetër. S’mund të komentojë deklarata të këtij tipi”, deklaroi Monti për mediat italiane. /albeu.com/