Merkel: Mbikëqyrje më të rreptë bankave
Kancelarja e Gjermanisë, Angela Merkel, deklaroi sot mbështetjen e saj për mbikëqyrjen më të fuqishme të bankave në Eurozonë, por ka tërhequr vërejtjen se me këtë veprim nuk duhet përshpejtuar.

Gjatë një fjalimi në Berlin, ajo theksoi se është e parakohshme të bisedohet për çfarëdo lloji të rikapitalizimit të bankave në eurozonë nëpërmjet mekanizmave evropianë, derisa të mos krijohet organi mbikëqyrës dhe të ketë të drejtën e intervenimit.

Liderët e Bashkimit Europian në muajin qershor ishin pajtuar që fondet për shpëtim të BE-së do të mund të shkonin direkt në rikapitalizimin e bankave, që kanë probleme, por vetëm kur të krijohet një mbikëqyrje e gjërë evropaine nën udhëheqjen e Bankës Qendrore Evropiane (BQE).

Franca dëshiron që Banka Qendrore Evropiane të ketë më tepër autoritet për mbikëqyrjen e të gjitha 6 mijë bankave në eurozonë, nga muaji janar.

Por, Gjermania dëshiron që BQE-ja vetëm t`i mbikëqyrë bankat e mëdha dhe preferon një ritëm më të ngadalshëm hap pas hapi. /albeu.com/
Shtuar më 25/09/2012, ora 16:29

Shkruani komentin tuaj!
Të fundit nga kjo kategori