Merkel-Davutoglu: Emigrantët të strehohen në zona të sigurta në Siri
Kancelarja gjermane, Angela Merkel si dhe kryeministri i Turqisë, Ahmet Davutoglu së fundi po diskutojnë për ngritjen e zonave të sigurta dhe strehimin e emigrantëve në Siri.

Vet Merkel, e bëri të ditur këtë plan për mediat, duke thënë se kjo politikë mund t’u japë mundësi qytetarëve sirianë që të mos largohen nga vendi i tyre. Ajo gjithashtu tha se nëse ky plan do të zbatohen, atëherë shtete europiane do të kenë mundësi që t’a menaxhojnë me lehtësi situatën e krijuar nga azil-kërkuesit.

Merkel ka propozuar krijimin e një zone të sigurt brenda territorit sirian për të strehuar emigrantët. Ajo ka arsyetuar se një politikë e tillë do të ndihmojë në shumë aspekte. Kjo do t’u japë një mundësi qytetarëve që të mos largohen nga vendi tyre, duke shtuar se krijimi i kampeve në Siri mund t’i japë mundësi edhe vendeve europiane që të menaxhojnë me qetësi situatën e krijuar.

“Unë bisedoj vazhdimisht me Kryeministrin turk dhe kohët e fundit kemi hedhur idenë e krijimit të zonave të sigurta në kufirin turko-sirian. Aty ne mund të ngremë kampe qëndrimi për t’u ardhur në ndihmë qytetarëve që të mos largohen nga vendi. Kemi punuar shumë gjatë muajve të fundit për t’a implementuar këtë projekt dhe kemi energjinë e duhur për të bërë një gjë të tillë”, ka thënë Merkel.

Merkel u mbështet edhe nga Kryeministri i Turqisë, Ahmet Davutoglu, për planin e propozuar. Ai gjithashtu kundërshtoi një raport të organizatës humanitare Amnesty International, ku thuhej se Turqia kishte kthyer pas emigrantë në drejtim të Sirisë pa vullnetin e tyre.

Megjithatë, plani i propozuar nga Merkel është kritikuar menjëherë nga Organizata e Kombeve të Bashkuara. Nëpërmjet një komunikate, agjencia e OKB-së për refugjatët kërkoi që palët të mos marrin asnjë vendim pa garantuar më parë sigurinë e emigrantëve./Albeu.com/
Shtuar më 24/04/2016, ora 12:09
Shkruani komentin tuaj!
Të fundit nga kjo kategori