Mbretëresha britanike Elizabeth II dhe burri i saj Philip kanë marrë vaksinën kundër COVID-19, tha Pallati Mbretëror përmes një deklarate. Mbretëresha është 94 vjeç ndërsa Philip është 99.

Një burim mbretëror tha se vaksinat u administruan nga një mjek i familjes në vendbanimin e mbretëreshës Windsor Castle, duke shtuar se lajmi u bë publik për të kundërshtuar çdo spekulim, shkruan Reuters.

Kryeministri britanik, Boris Johnson, është zotuar se, nga 15 janari, në Angli do të jepen “qindra-mijëra vaksina” në ditë.

Britania e Madhe është vendi më i prekur në Evropë nga koronavirusi, me mbi 2.8 milionë të infektuar dhe mbi 78,000 viktima.