Mblidhet Këshilli i Sigurimit, ky është momenti që solli Rusinë dhe Ukrainën në prag të luftës
Rusia dhe Ukraina ishin pranë luftës ditën e djeshme ku tre anije ukrainase u pushtuan nga forcat speciale ruse në detin Azov.

Ngjarja nuk është ende e qartë pasi të dyja palët akuzojnë njëra-tjetrën për shkelje, megjithatë është fakt se tensioni gjendet në kulmin e tij mes Rusisë dhe Ukrainës që prej vitit 2014 kur Rusia pushtoi Krimenë.

Ukraina pretendon se tre anije të saj ishin duke shkuar për në portin e Mariopolit në Ukrainën Lindore, ndërsa rusët mbajnë të bllokuar prej disa kohësh ngushtinës Kerch, e cila lidh detin e Zi me detin Azov, raporton Albeu.com.

Kur nuk i kanë përgjigjur thirrjes së rusëve për t'u kthyer mbrapsht, aninet ukrainase janë goditur në det nga rojet bregdetare ruse (shiko videon) dhe më pas janë qëlluar me armë duke përfunduar në pushtimin dhe marrjen e tyre nga forcat speciale.

Rusia nga ana tjetër pretendon se anijet ukrainase nuk iu përgjigjen urdhrit të saj dhe se po bënin veprime të rrezikshme në det duke detyruar kështu ndërhyrjen.

Në lidhje me këtë situatë është mbledhur edhe Këshilli i Sigurimit në OKB. /albeu.com/
Shtuar më 26/11/2018, ora 12:52

Shkruani komentin tuaj!
Të fundit nga kjo kategori