Është vetëm 50 cm i gjatë dhe ka një ngjashmëri të madhe në fytyrë me njeriun. Këto janë karakteristikat e Lesula, një lloj majmuni i njohur ndryshe me emrin shkencor Cercopithecus lomamiensis, i cili përbën një specie të re dhe të panjohur më parë që është zbuluar së fundmi në zemër të pyjeve afrikane, në Republikën e Kongos.

Ku specie e rrallë është zbuluar nga një çift kërkuesish amerikanë, John dhe Terese Hart, të cilët më herët, në vitin 2007 kishin njohur një ekzemplar të tillë, por që mbahej i mbyllur në një kafaz në shtëpinë e një mësueseje dhe që prej asaj kohe iu futën kërkimit për të gjetur të tjerë ekzemplarë të kësaj specieje, por nga ata që jetonin në liri të plotë, në vendin e tyre të origjinës, në pyll. Çifti i amerikanëve zbuluan 48 lesula në një hapësirë prej rreth 17 mijë km katrorë, në pyllin që shtrihet përgjatë lumit Lomami, zonë kjo e populluar dendur nga majmunë. /albeu.com/