Gjigantët MLS kanë qenë të lidhur me sulmuesin argjentinas, por Barros Schelotto ka pohuar se nuk është e çuditshme të shohësh Higuain në LA sezonin e ardhshëm.
“Kush nuk do ta donte atë? Do ta doja edhe unë, por është e vështirë”, i tha ai La Gazzetta dello Sport.
“Ai mund të qëndrojë te Juventus, por nëse ai largohet, unë mendoj se ai do të zgjidhte me zemrën e tij”.
“Unë mendoj se ai do të kthehet në River Plate”.
Kontrata e Higuain në ‘Allianz Stadium’ skadon në qershor 2021 dhe ish-ylli i Napoli është përmendur gjithashtu në lidhje me një transferim në DC United, ku ai mund të ribashkohej me vëllanë e tij Federico.
