Lideri i Iranit: Trump po tregon fytyrën e vërtetë të SHBA-ve
Lideri suprem i Iranit, Ayatollah Ali Khamenei deklaroi të martën se i është mirënjohës Presidentit Trump që tregoi “ fytyrën e vërtetë të Shteteve të Bashkuara të Amerikës.”

Khamenei tha gjë një ceremonie të komandove të forcave ajrore në Terhan se administrata e re e SHBA-ve i ka treguar botës “ thellësinë e korrupsionit në qeverinë e SHBA-ve”, sipas citimeve të publikuara nga agjencia gjysmë-zyrtare e lajmeve të Ireanit, MEHR.

Khamenei raportohet t’u ketë thënë komandove: “ Ne gjithsesi e falenderojmë këtë “tipin” e ri të Shtëpisë së Bardhë, që bëri atë që kishte pasur si qëllim të bëntë prej dekadash: të tregonte fytyrën e vërtetë të SHBA-ve. Ne jemi munduar prej vitesh t’i tregojmë botës se sa e korruptuar është Amerika , por Trump e bëri këtë gjë vetëm disa ditë pasi erdhi në pushtet.”

Komentet e Khamenei vijnë pas rritjes së tensioneve midis Iranit dhe SHBA-ve pas emërimit të Trump si President. /albeu.com/

Shtuar më 07/02/2017, ora 22:12
Shkruani komentin tuaj!
Të fundit nga kjo kategori