Libia nuk do ta njohe Kosoven
Albeu.com
Presidenti serb Boris Tadiq gjatë takimit me presidentin e Libisë, Moamer Gadafi, deklaroi se janë konfirmuar marrëdhëniet miqësore midis Serbisë dhe Libisë.
Sipas medieve serbe, presidenti serb, i cili ndodhej për një vizitë në Libi, thotë se ka marrë premtimin e Gadafit se Libia nuk do ta njohë pavarësinë e Kosovës.
“Unë çmoj shumë faktin se Libia nuk e ka njohur dhe nuk do ta njohë Kosovën. Çmoj gjithashtu faktin se Libia mori pjesë në procesin e Gjykatës Ndërkombëtare të Drejtësisë në lidhje me këtë çështje. Tani po presim vendimin e GJND-së më pas do të konsultohemi se çfarë do të bëjmë në të ardhmen”, shkruajnë mediet serbe.
Ai ka shtuar se Serbia do të vazhdojë betejën për të ruajtur integritetin, duke pasur për qëllim rifillimin e negociatave sa i përket statusit të Kosovës dhe gjetjes së një zgjidhjeje nëpërmjet kompromisit.
Tadiq tha se me presidentin libian kanë biseduar për thellimin e bashkëpunimit si dhe për borxhet e prapambetura që ish-Jugosllavia i ka Libisë. Tadiq tha se kjo çështje duhet të zgjidhet shpejt, në mënyrë që marrëdhëniet midis dy vendeve mund të vazhdojnë të përmirësohet.
Shtuar më 04/04/2010, ora 19:21
Tage: arkiv
Shkruani komentin tuaj!
Të fundit nga kjo kategori