Prokuroria Publike e Barit ka kërkuar 23 dënime (që variojnë nga 9 vjet deri në 3 muaj burgim) dhe një pafajësi në përfundim të aktakuzës së gjyqit për mbytjen e anijes Norman Atlantic që ndodhi në detin Adriatik, në brigjet shqiptare, natën mes 27 dhe 28 dhjetor 2014 me vdekjen e 31 personave dhe lëndimin e 64 pasagjerëve të tjerë.
Prokurorët Ettore Cardinali dhe Federico Perrone Capano kërkuan 9 vjet burg për pronarin e anijes Carlo Visentini, përfaqësues ligjor i kompanisë Visemar di Navigazione Srl, kompania që zotëron anijen Norman Atlantic, komandantin e anijes, Argilio Giacomazzi dhe përfaqësuesin ligjor Ioanni Vardinogianni, Anek lines, kompania greke e transportit që merr me qira tragetin.
Për të tre, të cilët përgjigjen për mbytjen e anijes dhe vdekjen e shumëfishtë me rrethanë rënduese të fajit të vetëdijshëm, është bërë edhe kërkesa për përjashtim të përhershëm nga detyra publike. Prokuroria Publike kërkoi gjithashtu dënimin e dy kompanive të akuzuara për pagesën e sanksioneve monetare në vlerë 400 mijë euro për Visemar (me faktor lehtësues dëmshpërblimin e viktimave) dhe 600 mijë euro për Anek.
Prokuroria publike e Barit kërkoi gjithashtu një dënim 8-vjeçar për të njëjtat krime (mbytje anijeje dhe vrasje të shumëfishtë) për Georgios Katsavenaki, përfaqësuesi ligjor i Anek dhe Pavlos Fantakis, mbikëqyrës në bordin e së njëjtës kompani charter; U kërkuan 7 vjet për Gianluca Assante oficerin e parë të mjetit lundrues, dhe Antonio Gadaleta, elektricist në bord, dhe 6 vjet për Luigi Iovine, oficerin e parë dhe kreun e sigurisë në bord.
Për disa anëtarë të ekuipazhit, të akuzuar për vrasje nga pakujdesia për disa prej vdekjeve, është bërë një kërkesë për dënime që variojnë nga katër deri në tre vjet burg. Për katër anëtarët e tjerë të ekuipazhit, megjithatë, zyra e prokurorit kërkoi dënime nga tre muaj deri në tre vjet burgim vetëm për shkelje të kodit të lundrimit.
Në seancën e kaluar janë depozituar edhe kërkesat e palëve civile. Ministria e Brendshme dhe ajo e Mbrojtjes kërkuan kompensim për dëmin pasuror në shumën totale 2.3 milionë euro dhe dëme jomateriale ndërmjet dy ministrive prej 1.1 milionë euro; 50 mijë euro ka qenë kërkesa për dënim nga Codacons. Kërkesën e parashtruan edhe dy kompani të tjera: Eurofish Napoli srl, me një kërkesë për 550 mijë euro të përcaktuar nga vlera e automjeteve të hipur dhe ‘Kappatur’ (kompani e inkorporuar sipas ligjit turk) për dëmshpërblim për dëmtimin e autobusëve dhe pajisjeve të tyre për 580 mijë euro./albeu.com
