Koronavirusi pushton ishullin e famshëm grek, disa u "arratisën"
Rritja e rasteve pozitive me koronavirus ka bërë që autoritetet greke të zgjerojnë masat e sigurisë, ndërkohë që po kryejnë teste surprizë në zonat me dendësi të lartë qytetarësh siç janë plazhet, restorantet, etj.

Gjatë kryerjes së këtyre testeve, autoritetet greke kanë zbuluar një vatër të rrezikshme koronavirusi në njërin prej plazheve më të njohura në Greqi, siç është ai i Nammos-it në Mykonos.

Siç raportiojnë mediat greke, përcjell albeu.com, nga 70 testekryera në këtë plazh janë zbuluar 11 raste pozitive, ndërsa në plazhin tjetër atë të "Skorpios", u zbuluan 2 raste pozitive nga 125 testekryera.

Shqetësues është fakti se një pjesë e punonjësve në resortet e testuara u larguan fshehurazi pa u marrë tamponi duke bërë që autoritetet të japin alarmin.

Mediat greke raportojnë se më herët, punonjësve u ishte thënë që të mos shkonin të konsumonin ushqim në restorantin aty pranë, si edhe të mos lëviznin në pjesën e dyqaneve luksoze të plazhit. /albeu.com
Shtuar më 02/09/2020, ora 08:26

Shkruani komentin tuaj!
Të fundit nga kjo kategori