Sekretari amerikan i Shtetit, John Kerry, do të vazhdojë përpjekjet për të ringjallur procesin e paqes në Lindjen e Mesme. Ai takon sot në Ramallah kryeministrin palestinez, Salam Fayyad dhe në Jerusalem presidentin izraelit, Shimon Peres.

Kjo është vizita e tretë në rajon, në tri javë. Të dielën mbrëmje në Ramallah, ai dhe presidenti palestinez, Mahmud Abbas, kanë diskutuar "rrugën drejt paqes", por detaje nuk janë dhënë.

Më herët në Stamboll, Kerry ka thënë se Turqia mund të luajë rol të rëndësishëm në nxitjen e pajtimit midis fraksioneve rivale palestineze - Hamasit dhe Fatahut. /albeu.com/