Shembja e shtëpive tek “5 Maji” në Tiranë, PD bën lëvizjen “rrufe”

Pas shembjes së disa prej shtëpive në lagjen 5 Maji në kryeqytet, Partia Demokratike ka bërë lëvizjen e papritur për t’i ardhur në ndihmë banorëve.

Tetë deputetë të PD-së në Komisionin e Ligjeve kërkojnë zyrtarisht seancë dëgjimore për çështjen e shtëpive tek zona e 5 Majit. Në përpjekje për t’u ardhur në ndihmë banorëve që nuk kanë asnjë përgjigje nga asnjë institucion dhe që ndodhen nën presionin e policisë për prishjen e shtëpive, deputetët e PD-së njoftojnë se i dërguan Kryetares së Komisionit të Ligjeve një kërkesë për seancë dëgjimore të premten.

Deputetët Gazment Bardhi, Enkelejd Alibeaj, Dhurata Çupi, Saimir Korreshi, Greta Bardeli, Dashnor Sula, Elda Hoti, Bledion Nallbati vënë në dukje detyrimin e këtij komisioni për të mbrojtur të drejtat e njeriut, posaçërisht të drejtën e pronës për rastin e familjeve në zonën e 5 Majit.

Në seancë dëgjimore, përveç një përfaqësie nga banorët, janë thirrur edhe përfaqësues nga disa institucione:

Kryetari i Bashkisë së Tiranës, Erjon Veliaj;

Drejtori i IMT pranë Bashkisë Tiranë;

Drejtori i Përgjithshëm i Policisë së Shtetit, Gledis Nano;

Avokati i Popullit, Erinda Ballanca;

Deputetët e PD-së kërkojnë gjithashtu edhe paraqitjen nga institucionet të dokumentacionit të plotë mbi projektin dhe veprimtarinë e institucioneve mbi pronën e qytetarëve./albeu.com/


Shtuar 19.01.2022 19:34