Kryetari i Parlamentit Evropian, Martin Schulz, ka reaguar në lidhje me arrestimet masive të gazetarëve në Turqi.

Duke përdorur etiketën e përdorur në Turqi për të protestuar arrestimet (#Ozgirbasinsusturulamaz (Nuk Mund të Heshtet Media e Lirë), Schulz ka shkruar:

"Media e lirë është princip themelor për antarësim në BE. #Turqia dhe #LiriaeMedias po ecin në drejtime të kundërta. Bastisjet te #Zaman janë shqetësuese."



Më herët, edhe Komisioni Evropian ka dënuar arrestimet e gazetarëve në Turqi, konkretisht arrestimin e Kryeredaktorit të Gazetës më të madhe në Turqi Zaman dhe drejtorin e Tv Samanyolu, Hidayet Karaca.

"Jemi shumë të shqetësuar nga lajmet për arrestimet e gazetarëve dhe punonjësve të medias në Turqi.

Komisioni ynë po punon për më shumë detaje për të mësuar çfarë po ndodh.

Me shumë mundësi, pasdreke do të kemi një deklaratë të plotë në lidhje me ngjarjet", ka deklaruar Zëdhënësja e Komisionit Evropian, Maja Koçijançiç. /albeu.com/