Kaufmann: Shoqëria civile jeton në një flluskë!
Walter Kaufmann, kreu i departamentit të Evropës Lindore dhe Juglindore të Fondacionit Heinrich Boell, gjatë një bisede me gazetarët e mbledhur në Trieste ka deklaruar se ka ende mungesë të madhe të bashkëpunimit, mungesë të madhe besimi në politikë dhe në politikanët.

Sipas tij, publiku nuk merr pjesë në procesin e vendimmarrjes dhe kjo është e nevojshme.

"Nganjëherë shoqëria civile jeton në një lloj flluskë, dhe kjo është ajo që gjithashtu duhet të ndryshojë. Ne duhet t'i inkurajojmë njerëzit që të punojnë më shumë me njerëzit e zakonshëm, njerëzit në rrugë, për të dëgjuar zërat e tyre dhe për t'u dhënë më pak shanse politikanëve populistë të thonë se ata veprojnë në emër të njerëzve të zakonshëm, gjë që zakonisht nuk është rasti", shprehet Kaufmann.

Ai gjithashtu vuri në dukje se politikat mjedisore janë një investim i përhershëm dhe nuk duhet të perceptohen si një kërcënim, por si një modernizim i ekonomisë. "Investimi në thëngjill dhe teknologji të vjetra është me të vërtetë një mënyrë për të dëmtuar vendin tuaj. Investimi në mjedis dhe energjia e rinovueshme është një mënyrë për të cilën Europa po shkon drejt". /albeu.com/
Shtuar më 11/07/2017, ora 16:47

Shkruani komentin tuaj!
Të fundit nga kjo kategori