Ish-shefit të NATO-s Javier Solana, i ndalohet hyrja në SHBA
Pëlqej
Sekretarit të Përgjithshëm të NATO-s, Javier Solana i është mohuar dhënia automatike e vizës për hyrje në SHBA.

Kërkesa e tij për një Sistem Elektronik për Autorizim Udhëtimi (Esta) u mohua për shkak të një vizite në Iran.

Qytetari spanjoll duhet të aplikojë për një vizë të plotë - një proces më i shtrenjtë dhe i gjatë.

Z. Solana, 75 vjeç, drejtoi NATO-n midis 1995 dhe 1999. Ai më vonë u bë shefi i politikës së jashtme të BE dhe ndihmoi në negociimin e marrëveshjes bërthamore të vitit 2015 me Iranin.

Rregullat e vizave datojnë nga administrata e Obamës dhe nuk lidhen me ndalimin e diskutueshëm të Presidentit Donald Trump, i cili synon Iranin dhe pesë vende të tjera me shumicë myslimane.

Sistemi ndalon çdo shtetas nga 38 vende që vizituan Iranin, Irakun, Libinë, Somalinë, Sudanin, Sirinë ose Jemenin përpara datës 1 mars 2011.

Ata duhet të aplikojnë për vizë, e cila përfshin një intervistë ballë për ballë në një ambasadë ose konsullatë të SHBA.

Z. Solana shkoi në Iran në vitin 2013 ku mori pjesë në inaugurimin e Presidentit Hassan Rouhani.

"Unë shkova atje për të përfaqësuar të gjithë ata që ishin përfshirë në negociata", tha ai për televizionin spanjoll.

Presidenti Trump njoftoi tërheqjen e SHBA nga marrëveshja bërthamore e Iranit në maj.

Ish-shefi i NATO-s tha se kishte nevojë për hyrje në SHBA sepse ai jep mësim në universitete të ndryshme.
Shtuar më 25/06/2018, ora 20:56
Shkruani komentin tuaj!
Të fundit nga kjo kategori